அழகு

எது அழகு

ஆடும் போது மயில் அழகு
ஓடும் போது மான் அழகு
தாவும் போது முயல் அழகு

கூவும் போது சேவல் அழகு
பாயும் போது புலி அழகு
மேயும் போது பசு அழகு
விடியும் போது விண் அழகு
மடியும் போது அருவி அழகு
நடக்கும் போது கால் அழகு
கடக்கும் போது நதி அழகு
கொதிக்கும் போது பால் அழகு
துதிக்கும் போது பாடல் அழகு
வடிக்கும் போது சோறு அழகு
குடிக்கும் போது கூழ் அழகு
படிக்கும் போது கம்பன் அழகு
வெடிக்கும் போது பஞ்சு அழகு
வெட்டும் போது வைரம் அழகு
கொட்டும் போது முரசு அழகு
அணியும் போது நகை அழகு
தணியும் போது கோபம் அழகு
அரைக்கும் போது சந்தனம் அழகு
உரைக்கும் போது தங்கம் அழகு
நாணும் போது பெண்மை அழகு
நாண் ஏற்றும் போது வில் அழகு
நீராடும் போது ஈரம் அழகு
போராடும் போது வீரம் அழகு
காணும் போது தாய்மை அழகு
பேணும் போது ஒழுக்கம் அழகு
சிரிக்கும் போது குழந்தை அழகு
தரிக்கும் போது கர்ப்பம் அழகு
மெல்லும் போது தாம்பூலம் அழகு
சொல்லும் போது தமிழ் அழகு
உங்களுக்கு நான் அழகு
எனக்கு நீங்கள் அழகு