தரமான நகைகள் வாங்குவது எப்படி?

தரமான நகைகளை எவ்வாறு வாங்குவது?

தரமான நகைகளை எவ்வாறு வாங்குவது?

பொதுமக்கள் தரமான தங்க நகைகளை எவ்வாறு பார்த்து வாங்குவது என்பது குறித்து இப்பதிவில் தெரிந்து கொள்ள போகிறோம்.
பொதுமக்கள் தரமற்ற தங்கம் வெள்ளி நகைகளை வாங்கி ஏமாறாமல் இருக்க ஹால்மார்க் முத்திரை திட்டத்தை பிஐஎஸ் (BIS) செயல்படுத்தி வருகிறது.

இதற்காக பிஐஎஸ் (BIS) அங்கீகாரம் பெற்ற ஹால்மார்க் மையங்கள் நாடு முழுவதும் செயல்படுகின்றன. விற்பனையாளர்கள் தரும் நகைகள் இந்த மையங்கள் மூலம் மதிப்பீடு செய்யப்பட்டு அதன் தரம் பதிவு செய்யப்படுகிறது.
மக்கள் அதிகம் பயன்படுத்தும் 22 காரட் தங்கத்துக்கு 916 முத்திரை அளிக்கப்படுகிறது. எனவே நகை வாங்கும்போது அதில் முக்கோண வடிவில் உள்ள பிஐஎஸ் (BIS) முத்திரை, 22k916 முத்திரை, ஹால்மார்க் கிங் மையத்தின் முத்திரை, நகை விற்பனையாளரின் முத்திரை ஆகிய நான்கு(4) முத்திரைகளும் இருப்பதை உறுதி செய்து பார்த்து வாங்க வேண்டும். இதில் ஒன்று குறைந்தாலும் அது தரமான நகை அல்ல.
இந்த முத்திரைகளை வாடிக்கையாளர்கள் பார்த்து தெரிந்து கொள்ள விற்பனையாளர்கள் தங்கள் கடையில் பூதக்கண்ணாடி வைத்து இருப்பர்.
அதுமட்டுமின்றி வாங்கும் நகைகளுக்கு பில்(Bill) பெறவேண்டியது அவசியம். பில் (Bill) இருந்தால் தான் நகையின் தரத்தில்  குறைபாடு இருக்கும்பட்சத்தில் புகார் தெரிவிப்பது எளிதாக இருக்கும்.
பிஐஎஸ் (BIS) ஹால்மார்க் முத்திரை இடப்பட்ட பொருட்களில் ஏதேனும் குறைபாடுகள் இருந்தால் புகார் அளிக்கலாம்.

சென்னை அலுவலக 044-22541442, 044-22541216 ஆகிய தொலைபேசி எண்களில் தொடர்பு கொண்டு நுகர்வோர் புகார் அளிக்கலாம். மேலும் sro@bis.gov.in என்ற மின்னஞ்சல் முகவரிக்கு அனுப்பலாம்.

உரிமம் பெற்ற விற்பனையாளர்கள் பட்டியலை பார்க்க சொடுக்கவும்.

List of BIS licensed jewellers